Amor d’Aussau
Uei que soi jo, embarrat hens l’ostau
Dab lo flaquèr, lhèu ua malaudia
Lo mei qui poish qu’ei d’anar tau portau
Alavetz escota, Ô ma miga, Ô Maria :
Amor d’Aussau
Lo temps passat
Amor d’Aussau
Que t’ei guardat
Parla per jo a l’ausèth lo mei haut,
Que l’as sovent de cap a Pèiralua
Que’u diseràs que soi hèra malaut
Que baishi lèu shens esperar la lua
E l’esparvèr autanlèu arribat
Suu linçòu blanc pausarà l’immortèla
S’emportarà mon amna au bordalat
L’endret on viscom ua vita tant bèra
